الزواج

[قاهرة اليأس]

المشاركة الأصلية كتبت بواسطة همسة حب

انا برأيي انو بهالوقت لازم الشب ليتزوج يكون عمرو فوق 26 يعني حتى لو كان 30 بيكون أحسن

وبشوف انو فرق السن لازم أكتر شي يكون 5 سنوات...........لحتى تقدر تتفاهم البنت مع الشب ...لو كانو بنفس السن حتكون المشاكل كبيرة بينهم


وانا بشوف انو الزواج عن حب كتير منيح ومريح

شكرا الك
وجهة نظر

[SoOoFi]

هل برايكم في اي سن بيقدر الرجل يكون مكمل وقادر يفتح بيت ؟
26 سنة وما فوق
وكم لازم يكون فارق العمر بينه وبين البنت؟
من 2 ل9 سنين
وهل برايكم الزواج التقليدي افضل والا الزواج عن حب ومين اكتر نجاح برايكم؟
ولا واحد

[بحر المشاعر]

المشاركة الأصلية كتبت بواسطة قاهرة اليأس

الزواج كلمة اغلب الناس بتخاف منها لانو فيها ارتباط مسؤولية اسرة عائلة واولاد الى اخره

لكن لما الواحد بدو بتجوز بدو يكون قادر يفتح بيت ويكون على قد المسؤولية
هل برايكم في اي سن بيقدر الرجل يكون مكمل وقادر يفتح بيت ؟
وكم لازم يكون فارق العمر بينه وبين البنت؟

وهل برايكم الزواج التقليدي افضل والا الزواج عن حب ومين اكتر نجاح برايكم؟

طبعاً على قد ما بيكون في خوف بيكون في لهفة
خوف من الفشل في تحمل الأعباء المادية
خوف من القدرة على التفاهم مع الطرف الثاني
خوف من قدرة الشخص على الـتأقلم مع حياة جديدة ومختلفة بالكامل
وبالنسبة للعمر
في الطبقة المتوسطة من الناس بيكون الشاب تقريبا قادر على الزواج في سن حول 25 سنة ممكن تزيد أو تنقص حسب الوضع المادي ومساعدة من حوله له
وبالنسبة لفرق العمر المعقول ما بين 3 إلى 10 سنوات بالزيادة للرجل
أو 3 سنوات بالزيادة للمرأة (هي أكبر)
أما الفروقات أكتر من هيك في العمر بتكون في الأغلب صفقات وليست زواجات وفي الأغلب أيضاً تفشل
بخصوص الزواج التقليدي أو عن حب !!!!!
بصراحة ما أدري كيف ممكن يفهم رأيي
كم سؤال على الهامش :
- متى صار عنا في حياتنا شيء اسمه زواج عن حب؟؟
ما انتشر ولا صار معروف ودارج إلى بعد المسلسات الي غسلت عقولنا
- طيب مين هو الي بيرضى أخته تكون على علاقة حب مع شاب غريب ؟
- وإذا كان ما بيقبل ولا بيتحمل هيك شغلة كيف بيرضاها لنفسه وبيدافع عن هذا الشيء؟
- والبنت ... كيف ممكن تعرف انها مش راح تكون ضحية شخص ما عنده مبدأ وممثل بارع وقاعد يتلاعب فيها على قول أخوانا المصريين "ماكل بعألها حلاوة"؟؟
- طيب ايش راح يكون موقفها من نفسها ومن أهلها وموقفهم منها لو طلع فعلاً انسان بلا مبدأ ولا شهامة؟؟
- سؤال آخر بسيط ... علاقة الحب قبل الزواج والخطبة حلال ولا حرام؟؟؟
- طيب إذا كان حرام وباطل مش من باب أولى ما يبنى عليه باطل هذا لو تم الزواج؟؟

بعد ما جاوبت على هالأسئلة بيني وبين نفسي
وبعد تجربة شخصية وعدة تجارب محيطة بي ....
أعتقد إن الزواج التقليدي هو الصح وفترة الخطبة هي الحل الصحيح وعلى الأقل بيكون في النور وبرعاية أهل البنت وولي أمرها حتى يحميها ويحافظ على حقها ولو قلنا انه فترة الخطبة تمثيل .. فترة الحب بعيد عن عيون الأهل تمثيل أكثر وأسوأ

عذراً للإطالة ولكم تحياتي